تورکجه یازقیلار ، شعر و ادبيات توپلومو
آذربايجان ساحه سينده فولکلور ، كولتور چاليشمالار 
قالب وبلاگ
لینک دوستان

نئجه کی بوندان نئچه آی اونجه حورمتلی اوخوجولارا و وئبداشلارا ایضاح ائتمیشدیم یئددی ناغیل کیتابی حاضیرلاماغا چالیشیرام. بو کیتابلار اوشاق ادبییاتی ساحه سینده دیر و یئددی گئجه یئددی ناغیل عونوانی لا  حورمتلی اوشاقلاریمیزا ایتحاف اولوناجاق.

البتته ایضاح ائتمه لی یم کی ایندی ایسه یاز نشرییاتی مودورو  بو کیتابلاری یایماق اوچون  ایرشاد ناظیر لییدن ایذن آلماق مرحله سینده دیر و آللاه قویسا بو تئزلیکده  بازارا گله جکدیر.

کیتابلارین آدلاری: توخوجو شاه عابباس ، یئددی قارداش بیر باجی ، قیرخ غونچه خانیم ، دویمه جیک ، سئحیرلی اوزوک ، برئمن موسیقی چی لری و چیرکین اوردک بالاسی.

بو کیتابلار رنگی سوییه ده چاپ اولوب و یایئلاجاق

             d4omwuuxss30tuihamrj.jpg.  

[ پنجشنبه بیست و هفتم خرداد 1389 ] [ 2:22 ] [ اسفنديار سپهري ]

بو اوزل گونو ایراندا و دونیادا و اوزللیک له تورک تورپاقلاریندا یاشایان عیصمتلی و غیرتلی قادینلارا تبریک ائده رک اوز سئوگی و سایقیلاریمی قادین گونونده تام  عزیز و حورمتلی قادین وئبداشلاریما ایتحاف ائدیرم.

تانریدان قادینلار حاققینی ایفا ائتمه سینی حاکیمییت باشچیلاریندان دیله ییرم و امینم کی قادینلاردا اساسی یاشایئش حاقلارینی اله گتیرمکده هئج بیر چالیشیقدان اسیرگه مییه جکلر.

بو گونده او آنالاری کی اوز جان جییرلرینی اولایلار اساسیندا الدن وئریب و یاسلیدیلار اونلاری دا یاددان چیخارتمئیاق.

بیر نئچه شعر:
آی ایل له  گونشی عوض ائتمه یه                  هئچ بیر حوکمرانین فرمانی یوخدور
آنانین سودونه خایین چیخانین                      گزه سن دونیادا درمانی یوخدور

آنا اوره یینی اودا یاخانین                           ائوینه اود دوشر یئری گور اولار
آنا گوزلرینه ایری (اگری)باخانین                 گوزلری گورسه ده بختی کور اولار

کیم آنا قلبی نین  تئلینی قیرار                       تانرینین غضبی بئلینی قیرار
آنا محببتی اوچماز قصریدی                        هامینین عومور بویو اونا اسیردی

           

              بو دسته گول ایتحاف اولونور سیز حورمتلی قادینلارین حوضورونا

[ پنجشنبه سیزدهم خرداد 1389 ] [ 20:36 ] [ اسفنديار سپهري ]
.: Weblog Themes By Pichak :.

درباره وبلاگ

اکینچیلیک مهندیسی
کارشناسی ارشد اؤيرنجي سي
دؤولت مامورو(کارمندی)
دوغوم یئریم: باتي آذربايجان سولدوز شهري
دوغوم تاریخی : 30/6/1346
یازیچی - کؤچورن- قزئته چی
اورمودا یایئلان فردای ما (صاباحیمیز)درگی سینین باش یازاری
سولدوزدا یایئلان ارمغان آذربایجان و تپش قلم درگی لرین یازیچیلار شوراسی نین اویه سی(عضوو)
همشهري گونده ليك قزئته نين يازاري
چاپ اولان اثرلر:
نه سایاغ اولسا (جاویدسالمان اوغلونون شعرلری)
اوشاقلارا هدیه (شعرتوپلومو)
تجزیه بورچالو (پارالانمیش بورچالی) قاراپاپاق ائلی نین تاریخی و کئچمیشینه بیر باخیش
چاپا حاضیرلانمیش کیتابلار:
یئدی عونوان ناغیل یئدی کیتابدا (اوشاق ساحه سینده)
آذربایجان دیلی معلوماتی
آذربایجان تاریخی و ان اونملی اوز وئرمیش حادیثه لر و اولایلاری تاریخ بویوندا
فارسجا یازیلان (توقیف در مطبوعات و مطبوعات در توقیف از عهد ناصرالدین شاه تا دولت احمدی نژاد)
قازاندیغیم اؤدول لر و مقام لار:
4 - جو استاني مطبوعات سرگي و فستيوالين بيرينجي مقام باش يازقي بؤلومونده(1389 جي ايل)
4- جو استاني مطبوعات سرگي و فستيوالين ايكينجي مقام موصاحيبه بؤلومونده(1389 جي ايل)

5- جي استاني مطبوعات سرگي و فستيوالين بيرينجي مقام طنز و كاريكاتور بؤلومونده(1390 -جي ايل)

استاني ايران عراق ساواشينين خاطيره لري ياريشماسيندا بيرينجي مقام خاطيره بؤلومونده (1390- جي ايل)
6 - جي بؤلگه مطبوعات سرگي و فستيوالين بيرينجي مقام مقاله بؤلومونده ( 1391 - جي ايل سنندج ده )
19 - جو ميلي مطبوعات سرگي و فستيوالين بيرينجي مقام ايجتماعي مقاله لر بؤلومونده ( 1391 - جي ايل تهران دا )
ايميل آدرسيم :
sepehri68@yahoo.com
facebook.com/sfandyar.sepehri
حؤرمتلي گؤروش ائدنلردن ايسته ييرم شعرلردن با يازقيلاردان ايستفاده ائدن ده قايناغي يعني بو وبلاقي قيد ائتسينلر.

امکانات وب
تبادل لینک تماشای تلویزیون 25 تلویزیون آنلاین زنده - گرجستان