X
تبلیغات
تورکجه یازقیلار ، شعر و ادبيات توپلومو

تورکجه یازقیلار ، شعر و ادبيات توپلومو
آذربايجان ساحه سينده فولکلور ، كولتور چاليشمالار 
قالب وبلاگ
لینک دوستان

بير نئچه آي بوندان اؤنجه صاباحيميز هفته لي يي نين حورمتلی مودورو بئله قرار وئردي كي آذربايجانين قوچامان شاعیري  ، عصريميزين دده قورقودو، ائليميزين ادب قايناغي، ديلميزين گوجلو داياغي ، ديني ميزين ان دوغور عاليمي و اؤزلليك له تورك دونياسي نين بؤيوك شعر دده سي، دده كاتيب له دانيشيق آپاراق. آمما او رحمت لي يين خسته لي يي بيزه بو فورصتي ياراتمادي تاكي 12 گون دونياسين ده ييشمه ميشدن اؤنجه، بو فورصت ياراندي و من هفته لي يين يازار شوراسي نين باش كاتيبي و هابئله گوجلو قلمداش، حوججت ايلهامي و كرم نژاد جنابلاري و ايكي نفر باشقا يولداشلارلا بيرليكده، دده كاتيبين ائوینه گئديب و او بؤيوك شاعيرله موصاحيبه آپارديق.

 دده كاتيبين ادب سئون و ادب بسلي ين ائوي، اورميه نين قوزئي ورينده اولان قولونجو كندينده يئرله شيبدي و دئمك نه لازيم كي اونون ائوي، تورك خالقي نين و اوزللیکله شاعیرلر و ادب سئون اینسانلارین ائوي دير.

دده كاتيب له اوپوش گؤروش ائدندن سونرا اؤزوموز تانيتديرديق و او رحمت ليك گولر اوزله و شيرين سؤز صوحبه تي له بيزي ماراقلانديردي.دئمه لی ايكي ساهاتا ياخين بيزيم دانيشيق و قونوشماغیميز واخت آپاردي وبو ايكي ساهات اينانين ايكي ديقه نظره گلمدي نييه كي اينسان اونون ده يه رلي و قيمت لي سؤزلريندن دويموردو .

سورولاريميز سونا چاتاندان سونرا، «گونوموز آيدين» آديندا اولان سون كيتابيني ال يازقي سيندان سونرا هفته لي يين باش كاتيبينه ایتحاف ائتدي.

Image

 حورمتلی وبداشلارا و صاباحیمیز(فردای ما) هفته لی یین اوخوجولارینا ایضاح ائدیرم کی بایرام نومره میزین اوزل سایئندا ،نورلا قبري دولان قوچامان شاعيرله آپارديغئميز دانشيق و موصاحيبه ني عيني صورت ده سيز حؤرمتلي  و ادب سئور اوخوجولاريميزا ایتحاف انده جه یيك.   بیزی ایزله یین

Image

 اونون يولو داواملي و روحو شاد اولسون. اولو تانريدان عصريميزين دده قورقود عائيله سينه باش ساغليغي وئريب و صبر ديله یيريك. حئيیف لر اولسون  كي اجل دده كاتيبه آپارديغي بوسون موصاحيبه ني گؤرمه یی مجال وئرمه دي .

 

[ جمعه بیست و سوم اسفند 1387 ] [ 23:21 ] [ اسفنديار سپهري ]
.: Weblog Themes By Pichak :.

درباره وبلاگ

اکینچیلیک مهندیسی
کارشناسی ارشد اؤيرنجي سي
دؤولت مامورو(کارمندی)
دوغوم یئریم: باتي آذربايجان سولدوز شهري
دوغوم تاریخی : 30/6/1346
یازیچی - کؤچورن- قزئته چی
اورمودا یایئلان فردای ما (صاباحیمیز)درگی سینین باش یازاری
سولدوزدا یایئلان ارمغان آذربایجان و تپش قلم درگی لرین یازیچیلار شوراسی نین اویه سی(عضوو)
همشهري گونده ليك قزئته نين يازاري
چاپ اولان اثرلر:
نه سایاغ اولسا (جاویدسالمان اوغلونون شعرلری)
اوشاقلارا هدیه (شعرتوپلومو)
تجزیه بورچالو (پارالانمیش بورچالی) قاراپاپاق ائلی نین تاریخی و کئچمیشینه بیر باخیش
چاپا حاضیرلانمیش کیتابلار:
یئدی عونوان ناغیل یئدی کیتابدا (اوشاق ساحه سینده)
آذربایجان دیلی معلوماتی
آذربایجان تاریخی و ان اونملی اوز وئرمیش حادیثه لر و اولایلاری تاریخ بویوندا
فارسجا یازیلان (توقیف در مطبوعات و مطبوعات در توقیف از عهد ناصرالدین شاه تا دولت احمدی نژاد)
قازاندیغیم اؤدول لر و مقام لار:
4 - جو استاني مطبوعات سرگي و فستيوالين بيرينجي مقام باش يازقي بؤلومونده(1389 جي ايل)
4- جو استاني مطبوعات سرگي و فستيوالين ايكينجي مقام موصاحيبه بؤلومونده(1389 جي ايل)

5- جي استاني مطبوعات سرگي و فستيوالين بيرينجي مقام طنز و كاريكاتور بؤلومونده(1390 -جي ايل)

استاني ايران عراق ساواشينين خاطيره لري ياريشماسيندا بيرينجي مقام خاطيره بؤلومونده (1390- جي ايل)
6 - جي بؤلگه مطبوعات سرگي و فستيوالين بيرينجي مقام مقاله بؤلومونده ( 1391 - جي ايل سنندج ده )
19 - جو ميلي مطبوعات سرگي و فستيوالين بيرينجي مقام ايجتماعي مقاله لر بؤلومونده ( 1391 - جي ايل تهران دا )
ايميل آدرسيم :
sepehri68@yahoo.com
facebook.com/sfandyar.sepehri
حؤرمتلي گؤروش ائدنلردن ايسته ييرم شعرلردن با يازقيلاردان ايستفاده ائدن ده قايناغي يعني بو وبلاقي قيد ائتسينلر.

امکانات وب
تبادل لینک تماشای تلویزیون 25 تلویزیون آنلاین زنده - گرجستان