تورکجه یازقیلار ، شعر و ادبيات توپلومو
آذربايجان ساحه سينده فولکلور ، كولتور چاليشمالار 
قالب وبلاگ
لینک دوستان
مني عفو ائت

اينجيتسم اگر سئوگيلي جانان عمليم له مني عفو ائت

سؤزلرله  اگر كؤنلونو آزار ائله سم ده مني عفو ائت

من راضي اولانمام اوره يين مندن ازيلسين

هئچ واخت اؤزومو عفو ائده بيلمم مني عفو ائت

كؤنلوم او قدر سئوگينه آلوده اولوبدور

اوزسم ده پشيماندي بو كؤنلوم مني عفو ائت

آغلادسام اگر سؤزله اليم له او نيگاري

گؤز ياشينا قورباندي  بو جانيم مني عفو ائت

دونيادا منيم سئوگيلي ايستك لي ياريمسان

دونيام ، گونشيم ، آي ، ايشيغيم سن مني عفو ائت

عشقيم سنه سونسوزدو  گولوم ذره آزالماز

سيندرماميشام عهديمي ايلقاريمي  عفو ائت

دونيا سونا چاتسا سونا چاتماز سنه عشقيم

قورباندی سنه جيسم ایله  جانيم مني عفو ائت

هرگون گئجه هر ثانيه كؤنلوم ده كي سن سن

شهديم شكريم گول چيچه ييم سن مني عفو ائت

قلبیم سیخیلیر هم ازیلیر سن اوزولنده

ایسترسن اگر اؤلمويه قلبيم مني عفو ائت

سندن گؤزليم تكجه اورك ايسته ييم اولسا

عفو ائت مني اي نازلي نيگاريم مني عفو ائت

۱۳۹۲/۰۶/۳۱

[ شنبه سیزدهم مهر 1392 ] [ 9:27 ] [ اسفنديار سپهري ]
.: Weblog Themes By Pichak :.

درباره وبلاگ

اکینچیلیک مهندیسی
کارشناسی ارشد اؤيرنجي سي
دؤولت مامورو(کارمندی)
دوغوم یئریم: باتي آذربايجان سولدوز شهري
دوغوم تاریخی : 30/6/1346
یازیچی - کؤچورن- قزئته چی
اورمودا یایئلان فردای ما (صاباحیمیز)درگی سینین باش یازاری
سولدوزدا یایئلان ارمغان آذربایجان و تپش قلم درگی لرین یازیچیلار شوراسی نین اویه سی(عضوو)
همشهري گونده ليك قزئته نين يازاري
چاپ اولان اثرلر:
نه سایاغ اولسا (جاویدسالمان اوغلونون شعرلری)
اوشاقلارا هدیه (شعرتوپلومو)
تجزیه بورچالو (پارالانمیش بورچالی) قاراپاپاق ائلی نین تاریخی و کئچمیشینه بیر باخیش
چاپا حاضیرلانمیش کیتابلار:
یئدی عونوان ناغیل یئدی کیتابدا (اوشاق ساحه سینده)
آذربایجان دیلی معلوماتی
آذربایجان تاریخی و ان اونملی اوز وئرمیش حادیثه لر و اولایلاری تاریخ بویوندا
فارسجا یازیلان (توقیف در مطبوعات و مطبوعات در توقیف از عهد ناصرالدین شاه تا دولت احمدی نژاد)
قازاندیغیم اؤدول لر و مقام لار:
4 - جو استاني مطبوعات سرگي و فستيوالين بيرينجي مقام باش يازقي بؤلومونده(1389 جي ايل)
4- جو استاني مطبوعات سرگي و فستيوالين ايكينجي مقام موصاحيبه بؤلومونده(1389 جي ايل)

5- جي استاني مطبوعات سرگي و فستيوالين بيرينجي مقام طنز و كاريكاتور بؤلومونده(1390 -جي ايل)

استاني ايران عراق ساواشينين خاطيره لري ياريشماسيندا بيرينجي مقام خاطيره بؤلومونده (1390- جي ايل)
6 - جي بؤلگه مطبوعات سرگي و فستيوالين بيرينجي مقام مقاله بؤلومونده ( 1391 - جي ايل سنندج ده )
19 - جو ميلي مطبوعات سرگي و فستيوالين بيرينجي مقام ايجتماعي مقاله لر بؤلومونده ( 1391 - جي ايل تهران دا )
ايميل آدرسيم :
sepehri68@yahoo.com
facebook.com/sfandyar.sepehri
حؤرمتلي گؤروش ائدنلردن ايسته ييرم شعرلردن با يازقيلاردان ايستفاده ائدن ده قايناغي يعني بو وبلاقي قيد ائتسينلر.

امکانات وب
تبادل لینک تماشای تلویزیون 25 تلویزیون آنلاین زنده - گرجستان